பாடுவது எம்.எஸ் அம்மா போல இருக்கிறது.
Saturday, February 6, 2010
Saturday, January 23, 2010
என் கணவர் - திருமதி. செல்லம்மாள் பாரதி
(1951ஆம் ஆண்டு திருச்சி வானொலியில் "என் கணவர்" என்ற தலைப்பில் திருமதி செல்லம்மாள் பாரதி ஆற்றிய உரை.)
வறுமை, கவிஞனின் தனி உடைமை. கவிஞனுக்கு இந்த மண்ணுலகில் இன்பம் அளிப்பது கவிதை; ஆனால் வயிற்றுக்குணவு தேடி வாழும் வகையை அவன் மனைவிதான் கண்டுபிடிக்க வேண்டி வருகிறது. காதல் ராணியாக மனைவியைப் போற்றும் கவிஞன் அவளுக்குச் சாதமும் போடவேண்டும் என்ற நினைவேயின்றிக் காலம் கழித்தானேயானால், என்ன செய்ய முடியும்?.
உலகத்தோடொட்டி வாழ வகை அறியாத கணவருடன் அமர வாழ்வு வாழ்ந்தேன் என்றால் உங்களுக்குச் சிரிப்பாகத்தான் இருக்கும். யாருக்கு மனைவியாக வாழ்ந்தாலும் வாய்க்கலாம். ஆனால் கவிஞன் மனைவியாயிருப்பது கஷ்டம்.
அந்த நாளிலிருந்த சத்திமுத்தப் புலவரின் மனைவியிலிருந்து இன்று என்வரை சுகவாழ்வு ஒரே விதமாகத்தான் அமைந்திருக்கிறது. ஏகாந்தத்தில் அமர்ந்துவிட்டால் முனிவரும்கூட அவரிடம் பிச்சைதான் வாங்கவேண்டும். ஆனால் மனைத் தலைவியாகிய நான் அவ்வாறு நிஷ்டையிலிருக்க முடியுமா?
கவிதை வெள்ளைத்தை அணை போட்டுத் தடுத்தது அடக்கு முறை. குடும்பமே தொல்லைக்குள்ளாகியது. ஆனால் நுங்கும் நுரையுமாகப் பொங்கிவரும் புது வெள்ளம் போல அடக்குமுறையை உடைத்துக்கொணடு பாய்ந்து செல்லும் அவர் கவிதை.
அவருக்குப் பிரியமான பொருளைச் சேகரித்துக் கொடுத்தால், அவரது நண்பர்களான காக்கையும் குருவியும் அதில் முக்கால் பாகத்தைப் புசித்து விடுவார்கள். எதை வேண்டுமானாலும் பொறுக்க முடியும்; ஆனால் கொடுத்த உணவைத் தாம் உண்ணாமல் பறவைகளுக்குப் போட்டுவிட்டு நிற்கும் அவருடைய தார்மிக உணர்ச்சியை மட்டும் என்னால் சகிக்கவே முடிந்ததில்லை.
சிஷ்யருக்குக் குறைவு இராது.செய்திகளுக்கும் குறைச்சல் இல்லை. கானாமுதமோ காதின் வழியே புகுந்து உடல் எங்கும் நிறைந்துவிடும். களிப்பை மட்டும் பூரணமாக அனுபவிக்க முடியாமல் உள்ளிருந்து ஒன்று வாட்டும். அதுதான் கவலை!
மனிதரை அமரராக்க வேண்டும் என்று தவித்த என் கணவர், எத்தனை இடையூறுகளுக்கும் எதிர்ப்புகளும் ஏற்பட்ட போதிலும், அவற்றையெல்லாம் மோதிமிதித்துவிட்டுத் தம் லட்சியத்தில் முன்னேறும் துணிவு கொண்டு செயலாற்றினார்.
மகாகவி நாட்டிற்காக, அதன் சுதந்திரத்திற்காக வாழ்ந்தார். தமிழ் பண்பாட்டில் சிறந்த அவர் ஈகை, அன்பு, சகிப்புத்தன்மை முதலான பண்புகளைக் கடைப்பிடித்து வாழ்ந்தது ஓர் அதிசயமன்று.
தூங்கிக் கிடந்த தமிழரை விழிப்புறுத்தியதும் அதிசயமன்று; ஆனால் இன்று அவரது பூத உடல் மறைந்த பின்பும் தமிழ் பேசும் ஒவ்வோர் உயிரினிடத்தும் அவர் கலந்து நிற்பதுதான் அதிசயம் என்று எனக்குத் தோன்றுகிறது. "விண்டுரைக்க மாட்டாத விந்தையடா!" என்று அவரது கவிதை மொழியில்தான் இந்த மகிழ்ச்சியைத் தெரிவிக்க வேண்டியிருக்கிறது.
Friday, January 1, 2010
தீர்த்த கரையினிலே...
உன்னிகிருஷ்ணனின் அற்புதமான குரலில் தீர்த்த கரையினிலே.... மேலும் பல பாடல்கள் இங்கே... http://carnatic.geetham.net/music/index.php?p=Carnatic_Vocal/P.%20Unnikrishan/Bharathiar_Songs
Sunday, November 8, 2009
பகவத் கீதை - முழுஉரை
பகவத் கீதைக்கு பாரதியார் எழுதிய முழுஉரையை தமிழ்இந்து.காம் வெளியிட்டுள்ளது. அதன் இணைப்பு இங்கே.
Saturday, November 7, 2009
பகவத் கீதை - முன்னுரை
பாரதியாரின் கவிதைகள் வாசிக்கப்பட்ட அளவில் அவரது மற்ற எழுத்துக்கள் வாசிக்கப்பட்டதில்லை.
பகவத் கீதைக்கு அவரின் முன்னுரை; முன்னுரை என்பதை விட ஒரு சுருக்கமான உரை என்றே கூறலாம். உரையின் நோக்கமே பகவத் கீதையின் பொருட்டு அக்காலத்தில் விளங்கிய கேள்விகளுக்கு விடை தருவதாகவே உள்ளது.
உரைக்குத் தேவையான மேற்கோள்களை ஆழ்வார்களின் பாசுரங்களிலிருந்தும், தேவாரப் பாடல்களிலிருந்தும் தருவதோடு மட்டுமல்லாமல் பைபிள்லிருந்தும் தருகிறார், பாரதி. தறவரம் பற்றி ஒரு குட்டி ஆராய்ச்சியே நடத்துகிறார் பாரதி. இறுதியில் புத்த சமயத்தைப் பற்றி கூறியுள்ளதும் ஒரு ஆழ்ந்த சிந்தனையே.
இந்த முன்னுரையை ஒருமுறைக்கு மேல் படியுங்கள், அப்போதுதான் அதன் உள்ளர்த்தம் விளங்கும்.
பகவத் கீதை - முன்னுரை, இணைப்பு : http://www.tamilnation.org/literature/bharathy/pdf/pm014.pdf
Subscribe to:
Posts (Atom)